Светот се движи кон опасна ескалација и ризик од нови воени конфликти, а малкумина можат да ја спречат таквата насока – оцени денеска српскиот претседател Александар Вучиќ.
„Сè би дал само тоа да не се случи. За жал, се плашам дека сум во право. Ќе мораме и ние да се подготвуваме за одредени работи за кои досега не сме се подготвувале. Нашата војска е спремна да одврати секој потенцијален непријател, но ќе мора да преземеме и дополнителни мерки,“ изјави Вучиќ
Тој потсети дека досега двапати биле зголемени резервите на храна и на воените складишта, но најави дека повторно ќе побара зголемување на количините во државните резерви. „Ќе инсистирам повторно да се зголемат и стратегиските резерви. Тоа е од суштинско значење за стабилноста и безбедноста,“ додаде претседателот.
Во исто време, Вучиќ денеска присуствуваше на свеченото отворање на новата брза железничка пруга која го поврзува Белград со Суботица.