Највисоки температури во земјава денеска во 15:00 часот се измерени во Велес и на мерната станица Зајчев Рид во Скопје, каде што живата во термометарот достигна 37,1 степен.
Според најновите податоци објавени од Управата за хидрометеоролошки работи (УХМР), високи температури се регистрирани и во останатите градови низ Македонија.
Веднаш зад Велес и Скопје се Кавадарци со измерени 36,8 степени, Виница со 36,4 и Демир Капија каде во 15 часот се измерени 36,2 степени.
Во Гевгелија се измерени 35,8 степени, во Штип 35,4, а во Струмица 34,7 степени.
Топло е и во Тетово со 33,7 степени, како и во Битола и Охрид каде метеоролошките станици измерија точно 33 степени.
Во Прилеп се измерени 32 степени, во Крива Паланка 31,9, Тополчани 31,6, Пожаране 31,1 и Берово 30,7 степени.
Под границата од 30 степени се Ѓуриште со 30,2, Претор со 29,1, Радовиш Пожар со 29, а во Маврови Анови се измерени 28,7 степени.
Најсвежо во 15 часот било на планинските места, односно во Крушево каде се измерени 26,5 степени и на Попова Шапка со 20,7 степени.