Македонија денеска ќе биде под влијание на променлива облачност и локални врнежи од дожд, додека на планините во северозападниот дел се очекуваат врнежи од снег. Според синоптичарите, претпладнето ќе биде нестабилно, проследено со слаб до умерен северозападен ветер, кој ќе биде поизразен долж Повардарието.
Максималните температури денеска ќе се движат од 8 до 14 степени, додека утринските температури се спуштија до третиот степен. Во Скопје се очекува слично време со повремени врнежи од дожд претпладне и максимална температура до 11 степени.
Вистинската промена на времето пристигнува со почетокот на работната недела. Поради продор на постуден воздух, веќе во понеделник дождот ќе премине во снег и на некои од повисоките места. Во среда и четврток се очекува дополнително засилување на југоисточниот ветер.