Времето во текот на денот ќе биде променливо облачно со сончеви периоди. Наместа ќе има зголемена облачност и услови за слаб дожд, ќе дува слаб до умерен ветер од северен правец. Дневните температури ќе се движат во интервал од 6 до 23 степени.
Во Скопје се очекува слично време – променливо облачно со сончеви периоди и слаб до умерен северен ветер. Температурата во главниот град ќе се движи од 11 до 22 Целзиусови степени.
Од Управата за хидрометеоролошки работи најавуваат слични временски прилики и во следниот период, со повремени врнежи од дожд и стабилен северен ветер.