По период на нестабилно време, денеска нè очекува променливо облачно и значително посвежо време со сончеви периоди ширум земјата. Синоптичарите најавуваат повремени локални врнежи од дожд, но главен белег на денот ќе биде засилениот ветер кој во одредени региони ќе достигне сериозна брзина.
Температурите ќе бидат во благ пад, а посвежиот бран ќе се почувствува во сите градови.
„Претежно во крајните западни и источни региони ќе има услови за повремен локален дожд. Ќе дува умерен до засилен ветер од западен и северозападен правец наместа со брзина од над 60 километри на час. Минималната температура ќе биде во интервал од 3 до 13, а максималната од 13 до 23 степени Целзиусови.“
Слично време ќе преовладува и во главниот град, каде граѓаните треба да подготват посвежа облека поради умерениот до засилен северозападен ветер кој ќе дува во делови од Скопската Котлина.
„И во Скопје ќе биде променливо облачно и посвежо со сончеви периоди. Ќе дува умерен, во делови од котлината повремено засилен ветер од северозападен правец. Минималната температура ќе биде 7, а максималната ќе достигне до 20 степени Целзиусови. Променливо облачно време ќе се задржи и во наредните денови. Локален пороен дожд грмежи и засилен ветер се очекува во вторник.“