Мирен и демократски го оцени ВРЕДИ процесот на гласање во вториот круг од локалните избори.
„Процесот на гласање во вториот круг од локалните избори во целина се одвиваше во мирна и демократска атмосфера во сите општини во кои денес се одржа гласањето, вклучително и во општините каде што учествуваше коалицијата ВЛЕН“, изјави портпаролот на ВЛЕН, Дритон Сулејмани.
Тој додаде дека според информациите од теренот, процесот се одвивал „без некои неправилности и во духот на граѓанска одговорност“.
Од ВЛЕН изразија благодарност до граѓаните за „високата демократска култура“ и посочија дека очекуваат од Државната изборна комисија броењето на гласовите да се спроведе како и во првиот круг – „со целосна транспарентност, точност и професионализам“.
„Според нашите информации од теренот, кандидатите на коалицијата ВЛЕН добија широка поддршка во сите општини каде што настапуваат и очекуваме резултати кои ќе ја потврдат таа доверба“, рече Сулејмани.
Од коалицијата најавија дека ќе продолжат внимателно да го следат процесот до објавувањето на конечните резултати и остануваат посветени на фер избори и почитување на секој глас.