Сериозен случај на вознемирување на малолетно девојче бил пријавен во полицијата во Делчево, каде според пријавата, 15-годишник од градот несоодветно ја допирал 11-годишната ќерка на 31-годишна жена од делчевско, без нејзина согласност, а потоа со закани ја принудил да се фотографира и да му испрати фотографии со експлицитна содржина.
Мајката го пријавила инцидентот вчера во 12:45 часот во Одделението за внатрешни работи во Делчево.
За настанот веднаш биле известени јавен обвинител и Меѓуопштинскиот центар за социјална работа во Делчево. Од полицијата најавуваат дека по целосното документирање на случајот ќе биде поднесена соодветна пријава.