24-годишен државјанин на Албанија е уапсен доцна синоќа во Гевгелија, откако во неговото возило биле откриени 10 илегални мигранти.
Полициските службеници го запреле возилото „киа“ со албански регистарски ознаки на улицата „Вардарски рид“, каде пронашле седум лица од Египет и три од Мароко.
Возачот В.Ц. е задржан во полициска станица, додека мигрантите се сместени во прифатно-транзитен центар. По целосно документирање на случајот, против него ќе биде поднесена соодветна пријава.
„На 19.11.2025 во 23:35 часот на ул.„Вардарски рид“ во Гевгелија, полициски службеници од Полициската станица за граничен премин и граничен надзор Богородица го лишија од слобода В.Ц.(24) од Република Албанија. При контрола на патничко возило „киа“ со албански национални ознаки, кое го управувал, пронајдени се 10 лица мигранти, од кои седум од Египет и три од Мароко. Мигрантите се сместени во прифатно-транзитен центар во Гевгелија, а лицето е задржано во полициска станица. Известен е јавен обвинител и по целосно расчистување и документирање на случајот, против него ќе биде поднесена соодветна пријава.“