Жителите на Батинци и на неколку улици во скопската населба Чаир од утрово ќе се соочат со прекин во водоснабдувањето.
Од ЈП „Водовод и канализација“ – Скопје информираат дека во Батинци прекинот е поради чистење на резервоарот, додека во Чаир причината е исклучување на старата водоводна мрежа.
Без вода ќе останат корисниците на улиците „Чаирска“, „Отокар Кершовани“, „Васил Аџиларски“, „397“, „Мимар Синан“, „Албански националдемократи“ и „Петар Георгиев“.
Прекинот започнува во 9 часот, а водоснабдувањето ќе биде нормализирано по завршувањето на работните активности.