Македонија утре ја очекува променливо облачно време со значителен пад на утринските температури. Според прогнозата за 1 мај, во одредени делови од земјата се очекуваат температури под нулата.
Најстудено ќе биде во Маврово, каде минималната температура ќе се спушти до -3 степени. Во Берово утрото ќе започне со -1 степен, додека во останатите градови минималните температури ќе се движат во интервал од 1 до 6 степени.
Во Скопје утре минималната температура ќе изнесува 2 степени, а максималната ќе достигне до 15 степени. Најтопло во текот на денот ќе биде во Гевгелија со максимални 16 степени.
Дневните температури во останатите градови ќе се движат од 5 степени во Маврово до 14 степени во Велес, Штип и Демир Капија.
Утрешниот ден ќе биде вовед во викенд со променливо време. Во сабота и недела се очекуваат минимални температури кои ќе се спуштат до -2 степени, додека дневните температури постепено ќе растат до 22 степени.