Времето утре променливо облачно, претпладне ќе има повремени локални врнежи од дожд. Кон крајот на денот облачноста ќе се намали. Ќе дува умерен, повремено засилен ветер од северен правец (наместа над 60 km/h), велат од УХМР.
Во Скопје, променливо облачно, претпладне ќе има слаб локален дожд. Во текот на денот облачноста ќе се намали. Ќе дува умерен, во делови од котлината повремено засилен ветер од северен правец.
Во понеделник утрото ќе биде ведро и постудено, а преку денот сончево. Од вторник ќе преовладува променливо облачно и топло време со сончеви периоди и со умерен ветер од јужен правец.
Максималните температури во текот на неделата се очекува да се искачат до 27 степени.
Кон крајот на седмицата се очекуваат повремени локални врнежи од дожд.