ВМРО-ДПМНЕ за овие локални избори за кои кампањата стартува утре (29.09.2025) предложи личности со дела зад себе. Предложи личности кои и покрај предизвиците, поточно проблемите со кои се соочуваа три, од четири, години кога СДС беше централна власт направија многу, велат од ВМРО-ДПМНЕ.
„ВМРО-ДПМНЕ за овие локални избори предложи личности кои се подготвени да бидат партнери со граѓаните, да бидат нивни соседи, пријатели кои им помагаат.
Кандидатите на ВМРО-ДПМНЕ се личности со визија, личности кои го сменија ликот на општините реконструираа, градеа, прошируваа градинки, училишта.
За старо – новите градоначалници, еве за сработеното низ бројки. Градоначалниците изградија и реконструираа улици, булевари, патишта во вкупна должина од над 770 километри, направија речиси 47 километри нови водоводи, изградија канализации од должина од речиси од 91 километар.
Кандидатите за градоначалници во програмите ставија проекти за потреба за граѓаните, јасни проекти креирани со експерти, а за секој проект имаат конкретни планови.
Целта на градоначалниците е јасна чист воздух, чисти јавни површини, зелени површини и нивно одржување, соодветен јавен превоз, мерки за локален економски развој, соодветна инфраструктура што подразбира и нови патишта и одржување на постојните и многу друго. Акцент ќе стават на оние области во кои тоа е потребно во поодделни општини. Секоја општина е своја приказна.
За сето тоа, како во овој изминат период од јули минатата година до сега, така и во иднина ќе ги помагаме на секое поле кое можеме, финансиски, со експертска помош и слично.
Или како што рече претседателот на ВМРО-ДПМНЕ на вчерашната промоција на кандидатите за градоначалници во Штип „ние сме тие што мора да го направат невозможното возможно, нема друг пат, не постои друг избор.
Токму затоа слоганот за овие локални избори за кои кампањата стартува утре е „Вистинскиот избор! Со твојот човек! За твоето место! За твојата иднина!“, стои во соопштението од ВМРО-ДПМНЕ.