По повод Светскиот ден на лицата со Даунов синдром, градоначалникот на Град Скопје Орце Ѓорѓиевски денеска испрати силна порака за инклузивност и емпатија од Скопската зоолошка градина. Заедно со здруженијата „Видлива поддршка“ и „Трисомија 21“, беа засадени дрвца како симбол на раст, надеж и свет во кој секое дете има право да биде прифатено и сакано.
Ѓорѓиевски истакна дека грижата за еднакви можности не е само еднодневен настан, туку секојдневна борба за похумано општество.
„Секое дрво што го засадивме денес е моќна порака дека градењето заедница значи да оставиме простор за сите. Инклузивноста значи отворени врати и искрена поддршка во училиштата, на улиците и во секој дом“, порача Ѓорѓиевски.