Премиерот Христијан Мицкоски денеска од Тетово ја официјализираше најавата за првата голема реконструкција на владиниот кабинет, планирана за мај или јуни годинава. Иако не прецизираше имиња, премиерот потврди дека коалициските партнери ВМРО-ДПМНЕ, „Вреди“ и ЗНАМ веќе имаат принципиелен договор за освежување на редовите.
На новинарско прашање дали фотографијата на министерот Фатмир Лимани со Али Ахмети ќе биде причина за негово разрешување, Мицкоски остана доследен дека сите прашања ќе се решаваат „на маса“.
„Во мај или јуни ќе ги ставиме сите прашања на маса. Тогаш ќе се знае дали некој министер ќе замине или ќе премине во друг ресор. Како коалиција имаме коректна соработка и во овој момент не гледам простор за нови партнери“, изјави Мицкоски.