Владејачката ВМРО-ДПМНЕ експресно одговори на обвинувањата од СДСМ, нарекувајќи ги нивните соопштенија „безобразен обид за профитирање од сопствениот пустош“. Од партијата нагласуваат дека системското уништување на енергетиката има име и презиме, а тоа е токму СДС.
Според ВМРО-ДПМНЕ, загубите во АД ЕСМ се директен резултат на „мрачното владеење“ во периодот од 2017 до 2024 година, кое не може да се санира преку ноќ.
„Не постои магично стапче за санирање на девастацијата во РЕК Битола за само година и половина. СДС свесно ги урниса РЕК Битола и РЕК Осломеј преку сомнителни тендери за ископ на јаглен и ангажирање приватни фирми за личен профит. Сега лицемерно ја замајуваат јавноста со податоци кои се плод на нивното недомаќинско работење“, се вели во партиската реакција.
Од партијата додаваат дека додека претходната власт се фокусирала на богатење на поединци, енергетскиот систем бил оставен со истрошена механизација и празни акумулации.