Политичка манипулација за собирање евтини поени на сметка на здравствената криза во Гостивар е единствениот фокус на опозициската СДСМ, алармираат од владејачката ВМРО-ДПМНЕ. Според реакцијата на партијата, опозицијата намерно го заобиколува прашањето за одговорноста на гостиварскиот градоначалник Валбон Лимани со цел да се зачува коалицискиот пакт со ДУИ и Таравари. Во меѓувреме, од ВМРО-ДПМНЕ соопштуваат дека институциите и СОЗР веќе испорачуваат по 60 тони вода дневно за потребите на граѓаните, додека полицијата и обвинителството интензивно работат на обезбедување докази за приведените лица.
Како што посочуваат од владејачкиот табор, наместо конструктивност, СДСМ постојано измислува неосновани тези за да предизвика дополнителен немир кај населението. Од партијата подвлекуваат дека доколку градоначалникот на Гостивар не беше нивен политички сојузник, опозицијата веќе ќе ја преплавеше јавноста со барања за негова итна оставка.
Од ВМРО-ДПМНЕ преку соопштение изнесоа остри критики за однесувањето на опозициските партии:
„СДС, како секогаш, и сега одлучи кризата во Гостивар да ја претвори во игранка за да си собери некој поен плус, се наведува во соопштението од ВМРО-ДПМНЕ, што МИА го пренесува интегрално. Но, никако од СДС да слушнеме да побараат одговорност од градоначалникот на Гостивар, Валбон Лимани, кој не се чувствувал виновен за тоа што здрацвјето на граѓаните е загрозено. Веројатно од СДС се подготвени да измислат се и сешто, освен да го направат вистинскиот чекор и да побараат одговорност, и подготвени се на секое решение да му најдат проблем.“
Ангажман на терен и полициски постапки
Во однос на оперативната помош за локалното население и постапките за утврдување кривична одговорност, од ВМРО-ДПМНЕ го нагласуваат следново:
„Инаку, гостиварчани секојдневно добиваат 60 тони вода од страна на СОЗР, а има и приведени од страна на надлежните и се работи на обезбедување докази кои ќе бидат доставени до обвинителството. Моментот не е СДС да се истакне колку бесмислици може да измисли, и да се докажуваат и да го користат токму овој период, за да добијат политички поени. Пак во коалиција со ДУИ и Таравари, го штитат нивниот кадар.“
Заштита на градоначалникот Валбон Лимани и ширење паника
Во завршниот дел од реакцијата, од владејачката партија го дефинираат односот на опозицијата кон локалните власти во Гостивар:
„Затоа што ако не беше нивни кадар, упте веднаш ќе побараа одговорност, уште веднаш ќе го преполнеа медиумскиот простор со прес-конференции и изјави со спинувани и непрецизни информации. Но, потребата на СДС да дојде, на власт е толку голема што повторно и во опозиција му излегува во пресрет на ДУИ и Таравари и го заобиколува Валбон Лимани, а во јавноста пласира теми кои немаат никаква поврзаност со актуелната состојба во државата и кризата во Гостивар. СДС, ДУИ и Таравари, се коалиција во опозиција, која се обидува од сите кризи да шири паника кај граѓаните, и опозиција која освен власт не сака ништо друго и воопшто не е заинтересирана за граѓаните и она со кое што тие се соочуваат токму поради нив, во овој конкретен случај во Гостивар, од локалната власт, предводена токму од нив.“