Close Menu
Press24
    Најново

    Стојаноски: Растат платите и пензиите, наследените долгови остануваат товар за буџетот

    28.10.2026 во 20:46

    55-годишник од липковско ги нападнал сопругата и ќерката, завршил зад решетки

    28.10.2026 во 20:18

    Нападнал полицаец кој го фатил додека продава дрога

    28.10.2026 во 20:01
    Facebook X (Twitter) Instagram
    • Стојаноски: Растат платите и пензиите, наследените долгови остануваат товар за буџетот
    • 55-годишник од липковско ги нападнал сопругата и ќерката, завршил зад решетки
    • Нападнал полицаец кој го фатил додека продава дрога
    • Драма во Германија: Четири лица повредени во експлозија во станбена зграда во Регенсбург, се трага по две лица
    • Официјално: Искра Хаџи Василева го победи Трајче Пеливанов со 7 гласа предност
    • „Алeлуја, Европа сфати“: Словачкиот премиер ја поздрави потребата за преговори со Москва
    • Проценки на Пентагон: Трошоците на американската војска во судирот со Иран надминаа 47 милијарди долари
    • Мобилната апликација m.Uslugi е достапна за сите корисници и на Андроид и на IOS уредите
    • Најново
    • Популарно
    • Маркетинг
    • Импресум
    Facebook Instagram TikTok
    Press24Press24
    • Насловна
    • Македонија
      • Политика
      • Скопје
      • Црна хроника
    • Бизнис
    • Свет
      • Регион
    • Забава
    • Спорт
    • Технологија
    • Интервју
    Press24
    Home » ВМРО-ДПМНЕ: Над 470 милиони денари за нови капитални инвестиции во Кичево

    ВМРО-ДПМНЕ: Над 470 милиони денари за нови капитални инвестиции во Кичево

    16.10.2026 во 09:473 Mins Read
    Сподели
    Facebook Twitter WhatsApp

    Од ВМРО-ДПМНЕ посочуваат дека во изминатиот период во Општина Кичево фокусот бил ставен на подобрување на инфраструктурата, унапредување на комуналните услуги, подобри услови за образование, спорт и култура, како и поодговорно управување со општинските средства. Од партијата велат дека целта е реализација на проекти што ќе го подобрат секојдневниот живот на граѓаните во градот и населените места.

    Меѓу реализираните инфраструктурни зафати се реконструкциите на локалните патишта Челопеци – Рабетино, Грешница, Колибари – Црвивци и Србица, како и патиштата Мамудовци – Стрелци и Вранештица. Реконструирани се и улици во Зајас и Србица, како и локалниот пат до манастирот „Св. Богородица Пречиста“, во должина од четири километри и со инвестиција од 34 милиони денари.

    Од ВМРО-ДПМНЕ наведуваат дека се завршени и реконструкцијата на улицата „Маршал Тито“, од мостот на реката Сушица до регионалниот пат Кичево – Македонски Брод, како и зафати на улицата „4-ти Јули“. Уредени се и паркинг-простори во Тајмиште и кај ООУ „Кузман Јосифоски-Питу“ и интернатот.

    Паралелно, во тек се градежни активности на повеќе улици, меѓу кои „Тренко Тасески“, „Тане Цалески“ и крак од „Јанко Михајлоски“, како и на улиците „Цар Самоил“ и „Димитар Влахов“. Започната е и изградба на нова улица во просторот околу поранешната „Штрафара“, со планирани тротоари за поголема безбедност на пешаците.

    Во делот на комуналната инфраструктура, од партијата посочуваат дека е изградена фекална канализација во Грешница, атмосферска канализација во Зајас – Челиковци, како и фекална канализација и водоводна линија на улицата „Партизански одреди“ во населбата Осој. Во Иванчишта и Ново Село се очекува почеток на изградбата на резервоари за вода, а меѓу приоритетите е и резервоарот „Осој“, со капацитет од 500 кубни метри, наменет за жителите на Раштани и Осој и како дополнителен капацитет за градот.

    Од ВМРО-ДПМНЕ информираат и за активности во областа на животната средина. За решавање на проблемот со депонијата и транспортот на отпадот до регионална депонија се обезбедени дополнителни 10 милиони денари. Спроведена е дезинсекција, подготвен е план за дератизација, а постапката за изградба на прифатилиште за бездомни кучиња е во завршна фаза на јавна набавка.

    Партијата посочува дека Општина Кичево подготвува и нов пакет капитални инвестиции во вредност од над 470 милиони денари. Меѓу приоритетите се реконструкцијата и уредувањето на градскиот плоштад, со проценета вредност од околу 2,5 милиони евра, развојот на спортските терени во комплексот „Горица“, воведувањето паметни водомери и реконструкцијата на локалните патишта кон Ехловец, Иванчишта, Лешница и Кладник. Предвидени се и изградба на улици и потпорни ѕидови во Белица.

    Во делот на урбанистичкото планирање, од ВМРО-ДПМНЕ велат дека се иницирани постапки за измени и дополнувања на Генералниот и деталните урбанистички планови на површина од околу 20 хектари. Во завршна фаза е и постапката за продажба преку јавно наддавање на околу 40 градежни парцели.

    Општината обезбедила ваучери за првачињата и награди за учениците со значајни резултати на државни и меѓународни натпревари. Доделени се и 99 годишни финансиски помошти за лица со попреченост, во вкупна вредност од 4.752.000 денари. Дополнително, се работи на подобрување на условите во училиштата, а иницирана е и постапка за проширување на детската градинка „Олга Мицеска“.

    Од ВМРО-ДПМНЕ порачуваат дека целта на овие активности е рамномерен развој на сите населени места во Општина Кичево, со инфраструктурни и комунални решенија, подобри услови за образование и социјална поддршка, без разлика на етничката, верската или политичката припадност на граѓаните.

    Just In Top News Влада
    Прочитај повеќе

    Стојаноски: Растат платите и пензиите, наследените долгови остануваат товар за буџетот

    28.10.2026 во 20:46

    СДСМ со остри критики кон Мицкоски: Како ќе гради добри односи со српските студенти по блиските врски со Вучиќ?

    28.10.2026 во 17:56
    Facebook X (Twitter) Instagram
    • Насловна
    • Најново
    • Импресум
    • Маркетинг
    Њу Медиа Комјуникејшн © 2010 | сите права заштитени

    Type above and press Enter to search. Press Esc to cancel.