ВМРО-ДПМНЕ: Додека Ковачевски ја продава државата, не заборава да краде, 9 милиони евра тендер за битумен

ВМРО-ДПМНЕ соопшти дека Јавно претпријатие  за одржување и заштита на магистралните и регионалните патишта потпишало договор за набавка на битумен во вредност од 554,6 милиони денари или над 9 милиони евра, и според информациите кои ги објавија медиумите тие веќе почнале да црпат од рамката, при што се потрошени над 2 милиони евра.

„Фирмата која го добива тендерот, е и единствено пријавена. Иако интерес покажале повеќе компании, заради и чии барања се олесниле условите за учество на тендерот, за на крај тие воопшто и да не учествуваат.

Имено од првичниот услов банкарската гаранција да изнесува 5% од целиот износ на набавката, тој е преформулиран гаранцијата да се дава на секоја поединечна нарачка“, велат од партијата.

Од ВМРО-ДПМНЕ обвинуваат дека компанијата која го добила тендерот не може сама да го исполни, и затоа истата е дела од групација, на чие чело се наоѓа странска фирма, која во повеќе наврати беше обележана и како фирма од која е увезуван штетен мазут.

Дали зад тендерот од 9 милиони евра стои некој од власта, и зошто фирмите кои се јавиле првично со барање да се корегираат условите не учествувале? Дали и кој ја спречил конкуренцијата? Дали некој од власта профитирал од тендерот тежок 9 милиони евра?