Здравствената состојба на норвешкиот крал Харалд (89) се влошила во текот на викендот, кој тој го поминал во болница, соопшти Кралската палата.
„Здравствената состојба на Неговото Височество, кралот, се влоши во текот на викендот. Кралот прима антибиотици за бактериска инфекција на крвта и позитивно реагира на третманот“, се наведува во соопштението.
Харалд, кој е најстар монарх во Европа, бил примен во болница заради лекување на анемија. Од палатата соопштија дека и покрај влошувањето на состојбата, кралот засега е стабилен.