Под енергично раководство и непоколеблива посветеност на заменик-министерката за транспорт, Калтрина Зеколи-Шаќири, инвестициите во Општина Теарце добиваат на интензитет, трансформирајќи се во конкретни проекти што ги допира и чувствува секој граѓанин, се вели во соопштението од „Вреди“.
„Заедно со градоначалникот на Теарце, Даут Мемиши, и заменик-директорот на Јавното претпријатие за државни патишта, Тахир Таири, беше извршена теренска посета за одблизу да се види почетокот на работите за реконструкција на локалниот пат во Доброште, клучен проект што ја симболизира долгоочекуваната промена за жителите.
ВЛЕН нагласува дека поддршката на Министерството за транспорт кон Теарце е силна, континуирана и целосно ориентирана кон резултати. Во моментов се спроведуваат 7 големи проекти со вредност од околу 2,1 милиони евра, што вклучува реконструкција на локални патишта во неколку населени места, како и значајни инвестиции во канализациската мрежа. Овие проекти не се само инвестиции во инфраструктурата, туку се инвестиции во достоинството и квалитетот на животот на граѓаните.
Проектот во Доброште предвидува целосна реконструкција на 600 метри патишта, вклучувајќи интервенции во постојните шахти, со инвестиција од над 13 милиони денари. Овој проект претставува конкретен чекор кон модернизација на инфраструктурата и создавање подобри услови за локален живот и развој. ВЛЕН останува непоколеблив во својата мисија ветувањата да не останат зборови, туку да се материјализираат во конкретни дела. Со високо темпо на работа и максимална посветеност, Теарце станува модел за одржлив и еднаков развој за сите“, велат од Вреди.