Коалицијата ВЛЕН високо ја цени посветеноста и визијата на вицепремиерот за добро владеење, Арбен Фетаи, на Регионалната конференција за безбедност „WB–EU: Shared Security, Shared Future”, која се одржа во Скопје со учество на претставници на владите од регионот, Европската Унија, Италија и меѓународни партнери, се наведува во соопштението од ВЛЕН.
„На овој важен настан, вицепремиерот Фетаи јасно ја претстави филозофијата на новата влада дека безбедноста не се гради врз страв, туку врз доверба, интегритет и силни институции. Ова е и патот кон градење стабилна, демократска држава способна да се соочи со современите предизвици на времето.
За ВЛЕН, визијата за добро владеење, заснована на транспарентност, отчетност и владеење на правото, е суштината на политиката што носи долгорочна стабилност. Државните реформи и безбедносните реформи одат рака под рака и само преку кредибилни институции можат да се гарантираат економскиот развој, политичката стабилност и граѓанската доверба.
Регионалната соработка и партнерството со Европската Унија се неразделен дел од овој пристап, кој има за цел да изгради нова, покооперативна, помодерна и поевропска безбедносна култура.
Оваа визија што ја артикулираше вицепремиерот Фетаи е јасен доказ дека новата влада е решена да ја зајакне државата преку доверба и да ја доближи земјата до европските стандарди за стабилност, транспарентност и добро управување“, велат од ВЛЕН.