Владата на Република Србија на денешната седница донесе Заклучок со кој им се препорачува на работодавците на вработените кои Бадник го празнуваат според Грегоријанскиот и според Јулијанскиот календар да им овозможат да не работат на тој ден.
Владата им препорача на работодавците на вработените кои Бадник го празнуваат според Грегоријанскиот календар, католиците и припадниците на други христијански верски заедници, да им овозможат да не работат на 24 декември 2025 година, се наведува во соопштението на Владата.
Иста препорака важи и за вработените православни верници, кои овој празник го празнуваат на 6 јануари 2026 година според Јулијанскиот календар, пренесува Телеграф повикувајќи се на Танјуг.
Доколку работниците се должни непречено да ја извршуваат својата работа за време на државните и верските празници, на работодавците, исто така, им се препорачува да им обезбедат на вработените права кои им следуваат за работа на празничен ден кој е неработен ден.