Екстремно високите температури кои според метеоролошките најави во наредниот период ширум државата ќе достигнуваат до 40 степени носат сериозни предизвици не само за здравјето на граѓаните, туку и висок ризик од појава на труења со храна и нарушување на здравјето кај животните доколку навреме не се обезбедат соодветни количини свежа вода и заштита.
Поради најавениот топлотен бран, надлежните институции излегоа со серија строги препораки за правилен избор, транспорт, чување и термичка обработка на намирниците со цел да се избегнат несакани здравствени последици.
Во врска со превентивните мерки и начинот на безбедно пазарување и складирање на храната, од Агенцијата за храна и ветеринарство (АХВ) појаснуваат:
Како што велат од Агенцијата за храна и ветеринарство (АХВ) за МИА, за да се спречи труење со храна, неопходно е да се направи правилен избор при набавката, да се обезбедат соодветен транспорт и услови за чување, како и да се води сметка за изгледот, рокот на употреба и за складирањето. Се препорачува да се купува храна од проверени местам во кои производите, особено лесно расипливите од животинско потекло, се чуваат во разладни уреди.
Од АХВ апелираат граѓаните да внимаваат каде ги оставаат лесно расипливите производи при пазарувањето, советувајќи дека месото, млекото и јајцата не смее долго да се задржуваат во возилата. Исто така, препорачливо е разладената храна да се чува под 5 степени, додека термичката обработка треба да се изведува на температури над 60 степени.
Во однос на правилата за конзумација надвор од домот и претпазливоста во угостителските објекти, од АХВ упатуваат конкретен апел:
„ Во објектите за брза храна избегнувајте ги додатоците што не стојат во ладилник, како што се мајонез, кечап, крем-салати, сосови, преливи… Доколку сметате дека храната не е безбедна, не ризикувајте – фрлете ја – истакнуваат од АХВ.“