Минималната температура изутринава во Берово изнесува 8 степени Целзиусови, во Лазарополе 9, во Маврови Анови и Попова Шапка, како и во Крива Паланка и Претор 11, во Битола 12, во Скопје-Петровец, Тетово и Охрид 13, во Прилеп, Штип, Демир Капија и Струмица 14, во Виница, Гевгелија, Крушево, Куманово и Кавадарци 15, во Велес 16, а во Скопје-Зајчев Рид 17 степени Целзиусови.
Според Управата за хидрометеоролошки работи (УХМР), денеска претпладне времето ќе биде сончево со мала до умерена облачност, со слаб до умерен северен ветер, кој долж Повардарието повремено ќе засилува.
Попладне се очекува променливо облачно и нестабилно време, на повеќе места со пороен дожд и грмежи. Локално процесите ќе бидат поинтензивни со услови за невреме, силен ветер над 60 километри на час и можност за изолирана појава на град.
Максималната температура ќе се движи од 24 до 33 степени, додека во Скопје се очекува сончево време со мала до умерена облачност и повремено засилен северен ветер, а попладне нестабилност со пороен дожд и грмежи. Максималната температура во главниот град ќе достигне до 30 степени.