По невремето проследено со силен ветер, дожд и локални поројни врнежи, на повеќе подрачја во државата се регистрирани материјални штети, паднати дрвја, оштетени кровни конструкции, прекини во електроснабдувањето и други последици, соопшти Центарот за управување со кризи.
Невремето кое траеше кратко, но беше интензивно, оштети повеќе објекти во Скопје.
Оштетени се повеќе објекти од витално значење, меѓу кои објектите на Основното јавно обвинителство за гонење организиран криминал и корупција, комплексот „Вили Водно“, Аеродромската полициска база Петровец, објектот „Нова Македонија“, како и објектите на Министерството за финансии, Министерството за земјоделство и Јавното обвинителство.
Од МВР информираат дека полициските службеници продолжуваат со активностите за расчистување на последиците од невремето и обезбедување на безбедноста на граѓаните.