Силно невреме денеска го зафати струмичкиот регион, каде што за кратко време падна голема количина воден талог, информира метеорологот Славчо Попоски.
Според неговите мерења, за време на интензивните врнежи во Струмица се регистрирани дури 45 литри дожд на еден метар квадратен.
„Од денешното големо невреме во Струмица среда 2 септември: За време на големото невреме за кратко време во Струмица наврнаа дури 45 литри дожд на метар квадратен“, објави Попоски.
Обилните врнежи за кусо време предизвикаа потешкотии во одвивањето на секојдневните активности и сообраќајот во градот.