Рускиот претседател Владимир Путин доживеа непријатен инцидент на сесијата на Меѓународниот форум за мир и градење доверба во Ашхабат, Туркменистан, откако микрофонот му беше исклучен цели 34 секунди додека се подготвуваше да започне важен говор.
Путин (73) изгледаше видно вознемирен и беспомошно бараше помош за да го продолжи говорот, иако 16 шефови на држави и влади, вклучувајќи ги и лидерите на земјите на НАТО (како Реџеп Таип Ердоган и Виктор Орбан), го гледаа како залудно се мачи.
На крајот, едно лице му пришло и му покажало како да го вклучи микрофонот со прекинувач. „Ви благодарам“, рекол Путин кратко пред да започне со своето обраќање.
Инцидентот веднаш предизвика реакции и критики на социјалните мрежи:
- Азербејџанскиот весник „Минвал“ објави дека Путин „притиснал погрешно копче и зборуваше без звук речиси една минута“.
- Украински коментар посочи дека Путин „го доби она што го заслужуваше“, прашувајќи се што воопшто бара на мировен форум по војната.
- Новинската агенција ChTD ја спореди ситуацијата со навиката на Путин да им покажува на странските лидери во Кремљ како да користат слушалки за симултан превод, потенцирајќи ја иронијата.
Путин е во дводневна посета на Туркменистан, каде што треба да разговара со лидерите на Ирак и Иран.
Putin was muted
— NEXTA (@nexta_tv) December 12, 2025
In Ashgabat, the dictator spoke for half a minute without sound until the microphone button was turned on.
This is the same Putin who always shows foreign leaders how to turn on the headphones with simultaneous translation, something that Kremlin propaganda… pic.twitter.com/P4WlouDtEm