Дваесет и едногодишен маж беше успешно извлечен од урнатините на срушена станбена зграда во Карабаледа, откако помина цели 106 часа заробен по двата силни земјотреси со јачина од 7,2 и 7,5 степени според Рихтеровата скала кои ја погодија Венецуела во средата попладне.
Снимките од ова спасување брзо се раширија на социјалните мрежи, потврдувајќи ги натчовечките напори на спасувачките тимови на терен.
Видео објавено од претседателот на Ел Салвадор, Наџиб Букеле, ги прикажува спасувачите како го носат 21-годишниот Арон Леви Кантиљо Варгас од урнатините на носилка, по што тој е однесен од местото на настанот со брза помош.
Самата сложена операција за негово спасување од под тонот бетон траела повеќе од 43 часа.
Според информациите на Букеле, во оваа тешка мисија учествувале комбинирани спасувачки екипи од повеќе држави, поточно од Венецуела, Мексико и Ел Салвадор, кои успеале да стигнат до Варгас и безбедно да го извлечат, објави The Australian.
По успешното завршување на акцијата, претседателот Букеле се огласи со емотивна порака на социјалните мрежи.
„Фала му на Бога што го овозможи ова чудо“, напиша Букеле на социјалната мрежа X.
Видеото од спасувањето на младиот човек на својот официјален X профил го сподели и Делси Родригез, која е вршител на должноста претседател на Венецуела.
Tras 106 horas atrapado y una operación de rescate de 43 horas, Aaron Levi Cantillo fue rescatado con vida. ¡Reconocimiento a Protección Civil y a todos los grupos internacionales involucrados! pic.twitter.com/pjsRaeiqEl
— Delcy Rodríguez (@delcyrodriguezv) June 29, 2026