Два пожара попладнево избија во Валандовско, од кои едниот кај градот сè уште е активен и бараше интервенција од воздух, додека вториот кај селото Удово е успешно изгаснат.
Првиот пожар бил пријавен околу 13:00 часот во атарот на селото Удово, каде што веднаш биле упатени противпожарни екипи.
Меѓутоа, веднаш потоа избил нов пожар на локалната депонија до Валандово, кој под влијание на слабиот ветер брзо се проширил врз околната ниска вегетација.
Поради стрмниот и тешко пристапен терен, како и густата вегетација, градоначалникот Ѓоко Камчев веднаш побарал поддршка од воздух.
Набргу потоа биле активирани два летачa „ер трактор“ на Дирекцијата за заштита и спасување (ДЗС).
Според последните информации, врз пожарот е воспоставена делумна контрола, но тој и понатаму е активен на еден од краците.
Како што соопшти Стојанче Ангелов од ДЗС, пожарот кај селото Удово е целосно ликвидиран.