Вистинска драма се одвивала на патеката кај „Куба Либре“ во Охрид, откако параглајдер изгубил контрола при слетување. Како што може да се види од видеото споделено на социјалните мрежи, леталото се движело опасно ниско, директно кон пешаците кои биле на патеката.
Во последен момент параглајдерот успеал да ја промени насоката, со што е избегнат директен судир со луѓето. Сепак, обидот за корекција завршил со удар во канделабра.
Според првичните информации, во инцидентот нема пријавени потешки повреди. Овој настан предизвика бурна реакција во јавноста и отвори сериозни прашања за безбедносните протоколи при изведување на вакви активности во прометни туристички зони.