ВИДЕО: Емотивна средба меѓу татко и бебе спасено од урнатините во Турција

Едноиполгодишното бебе Масал е спасено од под урнатините на станбена зграда во Караманмарас, дури 55 часа по разорните земјотреси што во понеделникот ги погодија јужните региони на Турција, јавува Анадолија.

Бројни спасувачки тимови продолжуваат со операциите за пребарување и спасување во регионите погодени од катастрофата.

Спасувачите утрово слушнале глас под урнатините, по што ископале тунел до местото каде што биле заглавени едноиполгодишната Масал и нејзината мајка Јелиз Кираџакали (23).

Спасувачкиот тим со огромни напори успеал да го извлече бебето на безбедно.

Во тек се напори да се спаси мајката која се’ уште е под урнатините и која на спасувачите им кажала дека бебето го одржувала во живот со доење.

На денот на земјотресот, таткото Омер Кираџакали со свои сили успеал да се извлече од урнатините.

Камерите ja снимија и емотивната средба меѓу таткото и неговата ќерка откако таа беше спасена.

18-month-old baby girl pulled alive from quake rubble in southern Türkiye

Saved after 55 hours
Efforts are underway to rescue the mother https://t.co/Hp5VRRNtG1 pic.twitter.com/SVMHoVR0qq

— ANADOLU AGENCY (@anadoluagency) February 8, 2023