За време на традиционалниот огномет по повод Денот на независноста на САД, избувна пожар на познатиот Бруклински мост во Њујорк. Голем пламен и густ облак од чад се извишија над мостот пред противпожарните екипи да успеат целосно да го локализираат и изгаснат огнот.
Според информациите на новинската агенција „Асошиејтед Прес“, во инцидентот за среќа нема повредени лица. Од градската противпожарна служба информираа дека во интервенцијата учествувале две противпожарни возила, а пожарникарите биле забележани како го гаснат огнот околу 22 часот по локално време. За време на настанот, мостот бил целосно затворен за сообраќај.
Надлежните уверуваат дека безбедносните протоколи биле максимално запазени, поради што инцидентот не прераснал во поголема катастрофа со човечки жртви.
„Ваквите пожари не се целосно неочекувани при големи пиротехнички настани и токму затоа публиката секогаш се држи на строго безбедно растојание за време на огнометот“, изјави портпаролот на противпожарната служба во Њујорк.
🇺🇸 Americans celebrated Independence Day so hotly that even the Brooklyn Bridge caught fire
— NEXTA (@nexta_tv) July 5, 2026
The structure burst into flames in several places where fireworks were being launched to mark the 250th anniversary of US independence.
Built in the 19th century, the Brooklyn Bridge is… pic.twitter.com/mb7mVhp68I