Познатата пејачка Весна Змијанац веќе пет дена е хоспитализирана во Ургентниот центар, задржана на коронарното одделение поради влошена здравствена состојба, односно проблеми со срцето и притисокот.
Лекарите одлучиле да го продолжат нејзиниот болнички престој, бидејќи резултатите од испитувањата засега не се задоволителни, и покрај нејзината надеж дека денес ќе биде отпуштена.
Змијанац побарала лекарска помош поради општа слабост, малаксаност и трнење на левата страна од телото. По забележаните промени на ЕКГ, таа била пренесена во Ургентниот центар.
Самата пејачка, по приемот, се огласи за медиумите и порача дека се чувствува подобро, но призна дека си наметнала забрзано темпо слично на она од нејзините млади денови, што очигледно придонело за актуелните здравствени проблеми.
Таа веќе го одложи настапот во Добој, нагласувајќи дека ќе биде закажан нов термин. Весна Змијанац останува под постојан надзор на лекарскиот тим.