Полицијата во Велес уапсила маж (21) кој, според пријавата, насила ја внел својата поранешна девојка (17) во автомобил и се оддалечил од местото, по што следувала полициска потера.
Случајот бил пријавен во полиција, а веднаш биле преземени мерки за пронаоѓање на возилото и осомничениот.
По кратка потера, полициските службеници го пресретнале автомобилот и го лишиле од слобода мажот. Поранешната девојка била пронајдена во возилото.
Од МВР информираат дека по целосно расчистување и документирање на случајот ќе биде поднесена соодветна пријава.
Надлежните дополнително ќе утврдуваат под кои околности жената била внесена во автомобилот и дали во случајот има елементи и на други кривични дела.