Берово е најстудениот град во Македонија утрово со измерена минимална температура од -4.8 степени. Според официјалните мерења извршени во 7 часот (06 UTC), температурите во најголем дел од земјата се под нулата.
Зад Берово, најниски температури се забележани на Попова Шапка (-3.9), во Крива Паланка (-3.1) и Струмица (-2.9). Во главниот град, на мерната станица Зајчев Рид, минималната температура се спушти до -1.3 степени, додека во 7 часот беа измерени -0.6 степени.
Во однос на врнежите, во изминатите 24 часа најмногу дожд падна во Демир Капија (6.4 л/м²) и во Штип (5.8 л/м²). Значајни количини се регистрирани и во Радовиш (4.4 л/м²) и Кавадарци (4.0 л/м²).
Вредности над нулата во 7 часот утрово се измерени единствено во Радовиш (1.1), Тополчани (0.5), Крушево (0.4), Охрид (0.2) и Прилеп (0.2).