Несекојдневен инцидент се случил рано утринава во Штип, каде сопственик на семејна куќа пријавил дека дел од неговиот дом бил оштетен откако градежна механизација започнала со уривање додека тој и неговото семејство се наоѓале во објектот.
Според неговото сведоштво, настанот се случил околу 4 часот наутро, кога багер пристигнал пред куќата и со корпата двапати удрил во ѕидот од објектот, додека семејството спиело.
Од ударите бил оштетен дел од куќата, а настанот предизвикал вознемиреност кај членовите на семејството.
Сопственикот Џенгис, во изјава за ТВ М Нет, рекол дека бил шокиран од случувањата и дека не очекувал ваков развој на настаните.Тој посочил дека нема да дозволи отстранување на оштетениот дел од ѕидот сè додека не биде извршен увид и не биде документирана состојбата на терен.
Џенгис тврди дека куќата е легално изградена и дека не станува збор за дивоградба. Случајот треба да биде расчистен по извршените проверки и увид.