Украинските одбранбени сили извршија ноќен напад врз руска радарска станица „Небо-У“ (55Zh6U) во близина на селото Магри, во рускиот Краснодарски регион, соопшти Генералштабот на украинските вооружени сили.
Според информациите од воениот врв, во близина на воениот објект избувнал пожар како последица на нападот.
Станува збор за трикоординатна радарска станица со долг дострел која работи во метарски дијапазон на радио бранови, дизајнирана за откривање и следење на воздушни цели, вклучувајќи авиони, како и крстосувачки и балистички ракети. Уништувањето на ваквите системи директно ја намалува способноста на руската страна за следење на воздушниот простор и навремено откривање на закани.
Од украинската армија истакнуваат дека приближната пазарна вредност на една ваква радарска станица „Небо-У“ изнесува околу 100 милиони долари.