Денес нè очекува претежно сончево време со умерена облачност. Ќе дува слаб до умерен ветер од променлив правец. Утринските температури ќе се движат од -6 до 2 степени, додека дневните ќе достигнат меѓу 9 и 15 степени.
Во Скопје ќе преовладува сончево време со умерена облачност и слаб ветер од променлив правец. Минималната температура ќе се спушти до -2 степени, а максималната ќе достигне околу 11 степени.
Во наредните денови следува стабилен временски период. Исклучок ќе биде вторник, кога кон крајот на денот, особено во североисточните предели, ќе има услови за повремен локален дожд. Утрите ќе бидат посвежи, а дневните температури постепено ќе растат.