Во изминатите 24 часа, заклучно со 08:00 часот денеска, во Битола наврнале 18 литри дожд на квадратен метар, во Демир Капија седум, во Маврови Анови четири, во Гевгелија три, додека во Лазарополе и Тополчани по еден литар на квадратен метар, соопшти Управата за хидрометеоролошки работи (УХМР).
Според прогнозата, попладнево се очекува локална нестабилност проследена со пороен дожд, грмежи и засилен ветер. На одделни места процесите ќе бидат поинтензивни, со можност за пообилни врнежи и појава на град. Ќе дува слаб до умерен ветер од променлив правец, а максималната температура ќе се движи меѓу 25 и 31 степен Целзиусов.
Во Скопје, попладне во делови од котлината исто така се очекува нестабилно време со пороен дожд, грмежи и засилен ветер. Ветерот ќе биде слаб до умерен, со променлив правец, а максималната температура ќе достигне до 31 степен, информираат од УХМР.