Управата за хидрометеоролошки работи (УХМР) ги објави официјалните податоци за измерените температури низ градовите и мерните станици во Македонија во 14 часот.
Според најновите мерења, највисока температура попладнево е регистрирана во Гевгелија, каде што се измерени 37,4 степени Целзиусови.
Веднаш зад Гевгелија се Кавадарци со 36,3°C и Демир Капија со измерени 36,0 степени.
Високи температури над 35 степени во 14 часот се измерени и во Скопје (Зајчев Рид) со 35,4°C, како и во Велес каде се регистрирани 35,2 степени.
Во Скопје-Петровец температурата достигна 34,8°C, а во Струмица и Штип се измерени 34,7°C односно 34,3°C. Над 33 степени се регистрирани и во Куманово (33,4°C).
Во Тетово живата на термометарот достигна 32,2°C, во Битола 32,1°C, во Тополчани 32,0°C, а во Прилеп 31,7°C. Над 30 степени попладнево се измерени и во Берово (30,8°C) и Пожаране (30,3°C).
Под границата од 30 степени се Ѓуриште (29,8°C), Крива Паланка (29,6°C), Претор (29,2°C), Виница (28,8°C) и Радовиш Пожар (28,1°C).
Најсвежо во 14 часот е на Попова Шапка со измерени 19,7 степени и во Крушево со 26,9°C, додека за Маврови Анови во овој термин не се евидентирани податоци.