Управата за хидрометеоролошки работи (УХМР) ги објави измерените температури денеска до 17 часот, како и максималните дневни вредности низ градовите и мерните станици во државата.
Најтопло денеска беше во Гевгелија, каде што е измерена максимална температура од 38,1 степен Целзиусов.
Веднаш зад Гевгелија следи Демир Капија со максимални 37,9 степени, како и Велес со измерени 37,8 степени.
Високи температури се регистрирани и во Скопје — на мерната станица Зајчев Рид максималната достигна 37,7 степени, додека во Петровец се измерени 36,7 степени.
Во Кавадарци максималната дневна температура изнесуваше 37,5 степени, во Струмица 36,3, во Виница 36,2, а во Штип 36,0 степени.
Меѓу потоплите градови денеска беа и Тетово со 34,8 степени, Битола со 34,0, Крива Паланка со 33,4 и Охрид каде беа измерени максимални 32,8 степени.
Најсвежо денеска беше на Попова Шапка, каде што е регистрирана максимална температура од 21,3 степени, како и во Крушево со 27,3 степени.