УХМР ги измери температурите во осум часот во градовите на територијата на Македонија. Според податоците, најсвежо утринава е на Попова Шапка каде се измерени 12 степени во 8 часот, како и во Берово каде се измерени 16 степени.
Најтопло утринава е во Гевгелија, каде се измерени 24 степени во 8 часот, а потоа следат Кавадарци и Струмица со 22 степени.
Во Скопје утринава се измерени 20 степени.
Денес се очекува претежно сончево време, проследено со мала до умерена облачност. Во попладневните часови на одделни места можно е краткотрајно дестабилизирање на атмосферата, кое може да донесе пороен дожд и грмежи. Ќе дува слаб до умерен ветер од северозападен правец, соопшти Управата за хидрометеоролошки работи (УХМР).
Утринските температури ќе се движат меѓу 9 и 19 степени, додека дневните ќе достигнат од 26 до 34 степени.
Во Скопје ќе преовладува сончево време со повремена умерена облачност. Ќе дува слаб до умерен ветер од северен правец. Температурата наутро ќе биде околу 15 степени, а во текот на денот ќе се искачи до 32 степени.