УХМР ги измери температурите во градовите низ Македонија, во осум часот, пред најавеното невреме.
На Попова Шапка е најсвежо со 14 степени, додека најтопло е во Гевгелија со измерени 27 степени во осум часот утринава.
Во Скопје се измерени 24 степени, според информациите на УХМР.
Денеска времето ќе биде променливо облачно со сончеви периоди, а попладне нестабилно со локален пороен дожд, грмежи и засилен ветер.
Наместа се очекуваат поинтензивни невремиња со обилен дожд (над 15 литри на квадратен метар), ветер посилен од 60 километри на час и можна појава на град.
Температурите ќе се движат од 13 до 19 степени наутро, а дневните ќе достигнат од 22 до 34 степени.
Во Скопје ќе има променливо облачно време со повремени врнежи, грмежи и засилен ветер, а во делови од котлината се можни краткотрајно невреме и град. Температурата ќе се движи од 16 до 30 степени.
Според УХМР, од викендот и во првата половина од следната работна седмица се очекува стабилно и претежно сончево време. Во сабота ќе дува силен северен ветер, кој во следните денови ќе биде умерен до засилен.