Во Владата денеска ќе биде претставен националниот проект „Прекинување на циклусот на насилство – системска превенција на семејно и врсничко насилство преку образовниот систем“, насочен кон рано препознавање и спречување на насилството врз децата.
Проектот има за цел воспоставување одржлив механизам за навремена детекција, превенција и соодветно постапување во случаи на семејно насилство, преку координирана соработка меѓу образовните институции, надлежните служби и семејствата.
Носител на проектот е Министерството за образование и наука, а во неговата реализација ќе бидат вклучени и Министерството за социјална политика, демографија и млади, Министерството за внатрешни работи, центрите за социјална работа, здравствените установи, училиштата, Комората на психолози и други релевантни институции и организации.
На настанот најавени се обраќања на министерката за образование и наука Весна Јаневска, министерот за социјална политика, демографија и млади Фатмир Лимани и министерот за внатрешни работи Панче Тошковски, како и на Емилија Бошковска од Комората на психолози на Македонија.