Една наставничка почина, а уште две лица се здобија со повреди во сериозен инцидент што се случи во основно училиште во словачкото место Сташков. Според првичните информации, во нападот со нож бил вклучен ученик од осмо одделение.
Починатата наставничка имала 61 година, додека меѓу повредените се и ученичка која е во критична состојба, како и 44-годишна наставничка со убодна рана во пределот на градите. На местото на настанот интервенирале полициски и медицински екипи, вклучително и два спасувачки хеликоптери со кои повредените беа пренесени во болниците во Мартин и Жилина.
Местото на настанот го посетија словачкиот министер за внатрешни работи Матуш Шутај Ешток, министерот за образование Томаш Дракер и министерот за здравство Камил Шашко. Полицијата соопшти дека ситуацијата е под контрола и апелираше да не се шират непотврдени информации, додека истрагата за мотивите и околностите продолжува.