Хрватската полиција објави дека денес околу 18 часот во општина Гарчин се случила пукотница, во која едно лице е убиено.
И покрај укажаната помош, повредениот починал од раните.
Убиецот е во бегство, според хрватските медиуми.
Локалните медиуми јавуваат дека злосторството се случило во селото Шушњевци, во општина Буковље, во близина на Славонски Брод.
Според информациите од порталот Плус, сторителот, кој веќе ѝ е познат на полицијата, сè уште е во бегство. Мештаните велат дека жртвата и осомничениот го поминале целиот ден дружејќи се на пикник-зоната Љешкове Воде, а потоа тој го пресретнал и го убил на патот.
Полицијата го истражува инцидентот, а сообраќајот кон Љешкове Воде и Врховина е затворен поради инцидентот.