Полицијата ја пронајде 15-годишната малолетничка Кристина од Охрид, која семејството ја пријави за исчезната, и упати апел за помош за нејзиното пронаоѓање.
Од МВР информираат дека малолетничката била пронајдена вчера, 13 август, во 12:20 часот на крстосницата на улиците „АСНОМ“ и „Никола Карев“ во Охрид, по преземените мерки и активности.
Во координација со Центарот за социјални работи, малолетничката била предадена на нејзините родители.
Претходно, нејзината мајка, Давида Јанеска, за „Слободен печат“ раскажа дека Кристина кажала дека ќе оди на плажа, по што телефонот ѝ бил исклучен.