Денеска ја посетив детската градинка „Срничка” во општина Аеродром, информираше на ФБ министерот аз земјоделство Цветан Трипуновски.
„Согласно Програмата за поттикнување на потрошувачка на свежо овошје за 2025 година (Сл. Весник 27/2025 од 07.02.2025), обезбедуваме на околу 38.000 деца од сите градинки во државата да добиваат домашно и квалитетно овошје.
• Издвоени се 40 милиони денари за да се купат околу 880.000 килограми домашно овошје;
• во текот на три месеци, секое дете ќе добива еден килограм овошје неделно;
• по 2 вида на овошје неделно, се консумира во градинките како дел од дневната ужинка;
• за првпат се предвидени количини на овошје и од органско потекло.
Ова е инвестиција во здравјето на најмалите, градење на навики за здрава исхрана од најрана возраст и поддршка за македонските земјоделци. Затоа што децата заслужуваат „Македонско најдобро” од најмала возраст!“, напиша Трипуновски на ФБ.
Секое дете заслужува здрав почеток, а секој земјоделец заслужува поддршка.
Заедно да градиме здрава иднина!