Актуелниот американски претседател Доналд Трамп денеска излезе со драматично соопштение во врска со најновата воена ескалација. Според неговите изјави, Иран извршил ракетен напад врз стратешката американска воена база Диего Гарсија, лоцирана во Индискиот Океан, користејќи софистицирана технологија за која претходните воени проценки тврдеа дека Техеран не ја поседува.
Овој напад врз една од најважните американски точки во светот е сериозен показател за зголемените воени капацитети на Иран во тековниот конфликт. Претседателот Трамп ја искористи приликата да ги искритикува претходните воени анализи и да ја нагласи моќта на својата администрација во соочувањето со вакви закани.
Трамп беше дециден во своето обраќање: „Иран штотуку лансираше ракета кон Диего Гарсија, за која сите велеа дека ја немаат. Тие сега имаат оружје за кое нашите таканаречени експерти немаа поим. Ова е многу опасна ситуација.“
Тој додаде дека САД нема да останат без одговор на ваквите провокации: „Ние сме во многу посложена позиција отколку што некој сака да признае. Моќта што ја демонстрираат е резултат на долгогодишно потценување, но ние ќе го решиме тоа.“
Инцидентот доаѓа во период на екстремни тензии, откако Иран веќе изврши серија напади врз американски сојузници во Заливот како одмазда за претходните воени операции на САД.