Во обид да им помогне на републиканците да ја задржат контролата врз Конгресот на претстојните среднорочни избори, претседателот Доналд Трамп испрати силни пораки до гласачите од неговиот последен голем митинг во Висконсин.
Локалната посета се реализира во услови на економски притисок врз американските граѓани, кои отворено го изразуваат своето незадоволство од високите трошоци за живот и цените на нафтените деривати кои пораснаа поради конфликтот со Иран.
Трамп изрази оптимизам дека е можно брзо придвижување на работите на дипломатски план, и покрај тоа што досега беше речиси невозможно да се најде заеднички јазик за целосен прекин на воените дејствија.
„Ќе се повлечеме од Иран многу брзо и тоа ќе заврши решително, на еден или друг начин“, рече Трамп во својот говор во Чипева Фолс. „Цените на вашите ѓубрива повторно ќе паднат нагло, како што се случи пред четири месеци.“
Иако атмосферата во објектот беше наелектризирана со силна поддршка за американскиот лидер, во толпата се забележуваа и умерени тонови од гласачи кои со доза на резерва гледаат на чекорите на Вашингтон кон иранската криза.